memo مدير المنتدى
عدد الرسائل : 134 العمر : 32 الموقع : blood-sky.blogspot.com تاريخ التسجيل : 10/07/2008
| موضوع: بقرة حاحا .................. الأحد أغسطس 10, 2008 5:18 pm | |
| ناح النواح و النواحة على بقرة حاحا النطاحة و البقرة حلوب .. تحلب قنطار لكن مسلوب .. من أهل الدار و الدار بصحاب .. و حدعشر باب (11 باب ) غير السراديب .. و بحور الديب و غيلان الدار .. واقفين بنهار و ف يوم معلوم ... عملوها الروم زقوا الترباس ... هِربوا الحراس دخلوا الخواجات .. شفطوا اللبنات و البقرة تنادي .. و تقول يا ولادي و ولاد الشوم ... رايحين ف النوم البقرة انقهرت .. م القهر انصهرت وقعت بالبير .. سألوا النواطير : طب وقعت ليه ..؟ وقعت م الخوف و الخوف يجي ليه .. ؟ من عدم الشوف و قعت م الجوع و م الراحة البقرة السمرا النطاحة ناحت مواويل النواحة على حاحة و على بقرة حاحا
| |
|